ചിയര്‍ഗേള്‍സും പാര്‍ട്ടികളും ഇല്ലാത്ത ഐപിഎല്‍
ദില്ലി: ഐ പി എല്‍ ക്രിക്കറ്റില്‍ ഇനി ചിയര്‍ഗേള്‍സില്ല. ചിയര്‍ഗേള്‍സ് മാത്രമല്ല, രാത്രി പാര്‍ട്ടികളും കളിക്കാരുടെ ഒളിച്ചുകളികളുമില്ലാത്ത ഐ പി എല്ലാണ് ബി സി സി ഐ ലക്ഷ്യമിടുന്നത്. ആരോപണങ്ങള്‍ കുമിഞ്ഞുകൂടി ഐ പി എല്ലിന്റെ നിലനില്‍പ് തന്നെ അവതാളത്തിലാകും എന്ന സ്ഥിതിയില്‍ കാര്യങ്ങള്‍ എത്തിയതോടെയാണ് ശുദ്ധീകരണ പരിപാടിയുമായി ബി സി സി ഐ രംഗത്തുവന്നിരിക്കുന്നത്.ഐ പി എല്ലില്‍ ഏറെ പഴികേട്ടിരുന്ന ഒരു കൂട്ടരായിരുന്നു ചിയര്‍ഗേള്‍സ്. കളിയുമായി വലിയ ബന്ധമില്ലെങ്കിലും ചിയര്‍ഗേള്‍സ് ആടുന്നതും ചാടുന്നതും കാണികള്‍ക്ക് ഒരു ഹരമായിരുന്നു. എന്നാല്‍ ഈ ഹരം ഇനി വേണ്ട എന്നാണ് ബി സി സി ഐ തീരുമാനിച്ചിരിക്കുന്നത്. മാത്രമല്ല, കളിക്കുശേഷം താരങ്ങളും മറ്റ് ഒഫീഷ്യലുകളും പങ്കെടുക്കുന്ന നിശാപാര്‍ട്ടികള്‍ക്കും വിലക്ക് വന്നു.
രാത്രി പാര്‍ട്ടികള്‍ കളിക്കാരുടെ അച്ചടക്കം തകര്‍ക്കുന്നു എന്ന ആരോപണത്തിന്റെ ഭാഗമായാണ് നിരോധനത്തിന്റെ പട്ടികയില്‍ വന്നത്. വാതുവെപ്പ് സംഘങ്ങളും മറ്റും പാര്‍ട്ടികളില്‍വെച്ച് കളിക്കാര്‍ക്ക് സമ്മാനങ്ങള്‍ നല്‍കി സ്വാധീനിക്കാന്‍ ശ്രമിക്കാറുണ്ട്. കളിക്കാരെ മാത്രമല്ല, അംപയര്‍മാരടക്കമുള്ള ഓഫീഷ്യലുകളെയും ഇത്തരത്തില്‍ ഇടനിലക്കാര്‍ കുടുക്കാറുണ്ട്.
No comments:
Post a Comment