14കാരിയെ പീഡിപ്പിച്ചു; 15 കാരന്‍ പിടിയില്‍

വിശാഖപട്ടണം: വിവാഹവാഗ്ദാനം നല്‍കി പതിനാല് വയസ്സുള്ള അയല്‍ക്കാരി പെണ്‍കുട്ടിയ പീഡിപ്പിച്ച ചെയ്ത 15 കാരനെ പോലീസ് പിടികൂടി. വിശാഖപട്ടണത്താണ് സംഭവം. പെണ്‍കുട്ടിയുടെ വീട്ടുകാരുടെ പരാതിയെ തുടര്‍ന്ന് കസ്റ്റഡിയിലെടുത്ത ആണ്‍കുട്ടിയെ ജുവനൈല്‍ ഹോമിലേക്ക് മാറ്റി.
വിശാഖപട്ടണത്തെ താഗരപുവാലസ പ്രദേശത്തെ പെണ്‍കുട്ടിയാണ് പീഡനത്തിന് ഇരയായത്. ആണ്‍കുട്ടിയും പെണ്‍കുട്ടിയും അയല്‍ക്കാരായിരുന്നു. ഇവര്‍ തമ്മില്‍ സ്‌നേഹത്തിലായിരുന്നു എന്നും പോലീസ് പറഞ്ഞു. തന്നെ വിവാഹം ചെയ്യണമെന്ന് പെണ്‍കുട്ടി ഏതാനും ദിവസങ്ങള്‍ക്ക് മുന്‍പ് ആണ്‍കുട്ടിയോട് ആവശ്യപ്പെട്ടിരുന്നത്രെ.
എന്നാല്‍ ആണ്‍കുട്ടി ഇത് നിരസിച്ചു. ഇതേത്തുടര്‍ന്നാണ് പെണ്‍കുട്ടി മാതാപിതാക്കളോട് പരാതി പറഞ്ഞത്. പെണ്‍കുട്ടിയുടെ വീട്ടുകാര്‍ പരാതി നല്‍കിയതിനെത്തുടര്‍ന്നാണ് 15 കാരനെതിരെ പോലീസ് പീഡനത്തിന് കേസെടുത്തത്. തുടര്‍ന്ന് പിടിയിലായ ആണ്‍കുട്ടിയെ ജുവനൈല്‍ ഹോമിലേക്ക് അയക്കുകയായിരുന്നു.